ბაროტრავმის მომენტში შეიგრძნობა მკვეთრი დარტყმა ყურში და ძლიერი ტკივილი. აღინიშნება სმენის დაქვეითება, ზოგჯერ თავბრუსხვევა, ხმაური ყურებში. დაფის აპკის გასკდომის დროს აღინიშნება სისხლდენა გარეთა სასმენი მილიდან. ოტოსკოპიით ჩანს ჰიპერმია, სისხლჩაქცევა დაფის აპკში, ზოგჯერ მისი გასკდომა.
თუკი ადგილი არა აქვს დაფის აპკის გასკდომას, მაშინ გარეთა სასმენ მილში შეჰყავთ სტერილური ბამბის ნაჭერი. დაფის აპკის გასკდომის დროს საჭიროა ფრთხილად სულფანილამიდური ფხვნილის შებერვა ან ანტიბიოტიკების, ყურზე სტერილური ნახვევის დადება.