ვენებში თრომბების წარმოქმნას მრავალი ფაქტორი განაპირობებს, მათ შორის: სისხლის შედედების სისტემის დარღვევა, ინტოქსიკაცია და ნივთიერებათა ცვლის მოშლა, სისხლის ნაკადის შეგუბება, ტრავმები და მოტეხილობები.
რას უჩივის ავადმყოფი და რა სახის ცვლილებები აღენიშნება მას ვენების თრომბოზის დროს, დამოკიდებულია თრომბის ლოკალიზაციაზე. მაგალითად, წვივის ვენების თრომბოზის დროს შუპდება ტერფი, კოჭ-წვივის სახსარი და წვივი. წვივის არეში აღმოცენდება ტკივილი, რომელიც ტერფის მოძრაობისას ძლიერდება.. თეძო-ბარძაყის ვენის თრომბოზს ახასიათებს ტკივილი წელისა და გავის არეში. ძლიერი შეშუპება, რომელიც კიდურიდან ზოგჯერ სათესლე პარკზე, დუნდულა კუნთსა და მუცლის წინა კედელზეც ვრცელდება. ქვედა ღრუ ვენების თრომბოზის დროს კი აღინიშნება ქვედა კიდურების, სასქესო ორგანოებისა და მუცლის წინა კედლის შეშუპება. მუცლის წინა კედელზე მოჩანს მკვეთრად გაგანიერებული ზედაპირული ვენები.
ვენების თრომბოზის მკურნალობის მიზანია თრომბოზის გავრცელების შეჩერება, თრომბის მოწყვეტის და მაგისტრალურ სისხლძარღვებში მისი მოხვედრის პროფილაქტიკა, ვენის გამავლობის აღდგენა, თუ დაავადების მიმდინარეობა ავთვისებიანი არ არის და მკურნალობა დროულად დაიწყო, შედეგი საკმაოდ დამაკმაყოფილებელია.