რკინის უკმარისობის ანემია (IDA)

რკინა არის ძალიან მნიშვნელოვანი ელემენტი ადამიანის ორგანიზმში, მაგალითად, ჰემოგლობინი და მიოგლობინი არის რკინის შემცველი პროტეინები, რომლებიც ჩართულნი არიან ჟანგბადის ტრანსპორტირებასა და შენახვაში. რკინა დეფიციტური ანემია ორგანიზმში რკინის დეფიციტის ძირითადი გამოვლინებაა, რის შედეგადაც ირღვევა ჰემოგლობინის სინთეზი და მცირდება მისი კონცენტრაცია თითოეულ ერითროციტში. დაავადება ვითარდება იმ შემთხვევაში, როდესაც ირღვევა ბალანსი მიღებულსა და დახარჯულ რკინას შორის. იგი ყველაზე გავრცელებული კვებითი დეფიციტია და ანემიის უპირველეს მიზეზს წარმოადგენს მთელ მსოფლიოში.

გამომწვევი მიზეზები

რკინის დეფიციტი შესაძლოა გამოწვეული იყოს

ზრდის სწრაფი ტემპის გამო, ჩვილი და მცირე ასაკის ბავშვები, ისევე როგორც მოზარდები საჭიროებენ რკინის უფრო მეტ რაოდენობას. ამ მოთხოვნილების დაკმაყოფილება ზოგჯერ ვერ ხერხდება მხოლოდ საკვების საშუალებით.
რკინის ჩვეულებრივზე მეტი რაოდენობა სჭირდება ასევე ორსულის ორგანიზმს და მეძუძურ დედებს. უმრავლეს შემთხვევაში ექიმები საჭიროდ თვლიან რკინის პრეპარატების დამატებით დანიშვნას ორსულებში.
რკინის ჭარბი რაოდენობით დაკარგვა: სისხლის დაკარგვასთან ერთად ადამიანი კარგავს რკინასაც. რაც ვითარდება მენო-მეტრორაგიებისა და კუჭ-ნაწლავის ტრაქტიდან სისხლდენისას, ასევე ხშირი დონაციის შედეგად.

სიმპტომები

რკინის უკმარისობის ანემია იწვევს შემდეგ სიმპტომებს:

თავბრუსხვევა
ყურებში შუილი
გულისცემის გახშირება
ჰაერის უკმარისობა
ძილიანობა
გონებრივი და ფიზიკური შრომისუნარიანობის დაქვეითება
თმის და ფრჩხილების დაზიანება
მადის დაქვეითება
დიარეა
შეკრულობა

მკურნალობა

მკურნალობა დამოკიდებულია ისეთ ფაქტორებზე, როგორებიცაა ასაკი, ჯანმრთელობის მდგომარეობა და რკინის დეფიციტის გამომწვევი მიზეზი. დროული და სწორი მკურნალობა საშუალებას იძლევა გაკონტროლდეს და შემცირდეს ანემიით გამოწვეული სიმპტომების ზემოქმედება.