პროსტატიტი

პროსტატიტი მამაკაცის წინამდებარე ჯირკვლის ანთებაა, აღნიშნული ჯირკვალი უზრუნველყოფს სპერმის გათხევადებას, ხელს უწყობს განაყოფიერების პროცესს, მონაწილეობს შარდვის აქტსა და ეაკულაციის პროცესში. პროსტატიტის გამომწვევ მიზეზებს მიეკუთვნება: სქესობრივი გზით გადამდები ინფექციები, მაგალითად ქლამიდია, ურეაპლაზმა, მიკოპლაზმა, ჰერპესის ვირუსი და ა.შ. მცირე მენჯის ორგანოებში სისხლის მიმოქცევის დარღვევა, ხშირი გადაცივება, სხვადასხვა ორგანოს ანთებითი და ჩირქოვანი დაავადებები, შორისის ქრონიკული ტრავმა დაბოლოს, იმუნური სისტემის დათრგუნულობა, სტრესი, ფსიქიკური და ფიზიკური გადატვირთვა, უხარისხო (არაბალანსირებული) კვება.

სიმპტომები

დაავადება ვლინდება შემდეგი სიმპტომებით:

სხეული ტემპერატურის მომატება
შარდვასთან დაკავშირებული პრობლემები, მაგალითად, წყვეტილიშარდვა, შარდვის დაწყების გაძნელება, შარდის სუსტი ნაკადი, წვეთ-წვეთად შარდვა, შარდის ბუშტის არასრული დაცლის შეგრძნება, უნებლიე შარდვა, გახშირებული შარდვა, განსაკუთრებით - ღამის საათებში
სქესობრივი ფუნქციის მოშლა,
ურეთრისა და სწორი ნაწლავის ტკივილი ეაკულაციის დროს
სუსტი ერექცია
ნაადრევი ეაკულაცია
ორგაზმის დაკარგვა
ტკივილის შეგრძნება მუცლის ქვედა ნაწილში, საზარდულების არეში
თეძოების ან წელის არეში შიგნიდან ტკივილი,
ნერვული სისტემის მოშლა, რაც განპირობებულია ავადმყოფის ყურადღების გადატანით თავის მდგომარეობაზე

მკურნალობა

მკურნალობის კომპლექსურ პროგრამაში შედის ანტიბაქტერიული მკურნალობა, მკურნალობა პრეპარატებით, რომლებიც აუმჯობესებს სისხლძარღვების ტონუსს, ფიზიოთერაპიული პროცედურები. სამკურნალო ღონისძიებების სიმრავლის მიუხედავად პაციენტთა უმრავლესობა მკურნალობის დასრულების შემდეგ უბრუნდება ცხოვრების ჩვეულ რიტმს.