სიფილისი კლინიკურად სტადიებად ვითარდება და სიმპტომები განსხვავებულია სტადიის მიხედვით. თუმცა ისინი შეიძლება არც გამოვლინდეს ან ჩვეული თანმიმდევრობით არ განვითარდეს. მესამეული ათაშანგი დაავადების ყველაზე რთული ფორმაა. მისი განვითარების ძირითადი მიზეზი დაავადების საწყის სტადიებზე უყურადღებოდ დატოვებაა. მესამეული ათაშანგი პაციენტების 15-30% ს უვითარდება, ეს უკანასკნელი ტვინის, ნერვული სისტემის, თვალების, გულის, სისხლძარღვების, ღვიძლის, ძვლებისა და სახსრების დაზიანებით მიმდინარეობს.
სიფილისის მკურნალობა ძირითადად ანტიბიოტიკ- პენიცილინის ინექციას მოიცავს. თუმცა შორსწასული სტადიების შემთხვევაში, როგორიცაა მესამეული ათაშანგი, დამატებითი მკურნალობა შეიძლება გახდეს საჭირო.