კარცინოიდული სინდრომი

კარცინოიდული სინდრომის დროს იშვიათი სიმსივნე (კარცინოიდული სიმსივნე) გამოყოფს გარკვეულ ქიმიურ ნივთიერებებს სისხლში, მაგალითად, სეროტონინს, რის შედეგადაც ვლინდება სიმპტომთა და ნიშანთა ერთობლიობა. კარცინოიდული სიმსივნეები ყველაზე ხშირად საჭმლის მომნელებელ სისტემასა და ფილტვში გვხვდება, აღნიშნული სიმსივნეების მხოლოდ მცირე რაოდენობას ახასიათებს კარცინოიდული სინდრომი. ღვიძლი ანეიტრალებს ქიმიურ ნივთიერებებს, სანამ ისინი მოხვდებიან მთელს ორგანიზმში და გამოვლინდებიან სიმპტომურად. თუმცა, როცა სიმსივნე იზრდება და ვრცელდება თავად ღვიძლში, გამოყოფილი ნივთიერებები ვეღარ ნეიტრალდება და გადადის სისხლში. სინდრომის მქონე პაციენტების უმრავლესობას ღვიძლში მეტასტაზირებული შორს წასული კიბო აქვს. ზოგიერთი სიმსივნე რომელიც არ ვრცელდება ღვიძლში, მაინც იწვევს სინდრომს, მაგალითად, ფილტვის კარცინოიდული სიმსივნე ნივთიერებას პირდაპირ სისხლში გამოყოფს, ღვიძლის ავლით, ამიტომ იწვევს სინდრომს. კარცინოიდული სიმსივნე ნაწლავებში კი ნივთიერებას ღვიძლისკენ მიმავალ სისხლში გამოყოფს. ღვიძლი განეიტრალების საშუალებით ხელს უშლის ნივთიერებების დანარჩენ ორგანოებამდე მირწევას. კარცინოიდული სიმსივნეების განვითარების მიზეზი, ჯერ-ჯერობით, უცნობია.

სიმპტომები

სინდრომისთვის დამახასიათებელი ზოგადი ნიშნები და სიმტომებია:

კანის წამოწითლება
კანი სახეზე ან გულმკერდზე ცხელდება და იცვლის ფერს, იგი შესაძლოა იყოს ვარდისფერი, წითელი ან იასამნისფერი, წამოწითელბის ეპიზოდები რამდენიმე საათს ან მეტ ხანს გრძელდება, ეპიზოდი შესაძლოა უმიზეზოდ მოხდეს, მაგრამ ზოგჯერ მას წინ უძღვის სტრესი, ვარჯიში ან ალკოჰოლის მიღება
ცხვირსა და ზედა ტუჩზე ჩნდება ობობისებური ვენები
ფაღარათი
თხიერი განავალი, რომელსაც ზოგჯერ თან ერთვის მუცლის მოვლითი კრუნჩხვები
სუნთქვის გაძნელება

ასთმის მსგავსი სიმტომები, სწრაფი გულისცემა. ასევე კარცინოიდული სინდრომის ნიშანია.

მკურნალობა

სინდრომის მკურნალობა, სიმსივნის მკურნალობას მოიცავს, თუმცა ხშირად, სიმსივნე არ იწვევს სინდრომს მანამ სანამ რთულ ფორმებში არ გადავა, ასეთ დროს განკურნება შეუძლებელია, ამ შემთხვევაში, მედიკამენტები გამოიყენება სიმპტომურად, პაციენტისთვის მეტი კომფორტის შექმნისთვის.