შემთხვევების ნახევარში ეპილეფსიის კონკრეტული მიზეზი უცნობია. სხვა შემთხვევბში შესაძლებელია შემდეგი საფუძვლების დასახელება: გენეტიკური მიდრეკილება, თავის ტრავმული დაზიანება, თავის ტვინის დაავადებები, დაზიანება მუცლადყოფნის პერიოდში, განვითარების დაავადებები (აუტიზმი, ნეიროფიბრომატოზი) ასევე ინფექციური დაავადებები.
ეპილეფსიის მსუბუქ შეტევებსაც კი სჭირდებათ მკურნალობა, რადგან ისინი შესაძლოა საშიში აღმოჩნდნენ ზოგიერთი საქმიანობის დროს, როგორიცაა მანქანის ტარება ან ცურვა. ეპილეფსიური შეტევების 80% კონტროლდება მედიკამენტური და ზოგჯერ ქირურგიული ჩარევით. ეპილეფსიის მქონე ზოგიერთი ბავშვის მდგომარეობა ასაკის მატებასთან ერთად უმჯობესდება.