მარჯვენა პარკუჭის მწვავე უკმარისობა მისი უეცარი და მკვეთრი გადაძაბვის შედეგად ვითარდება. მიზეზი შეიძლება იყოს ტოტალური კრუპოზული პნევმონია, ბრონქული ასთმა, პლევრიტი, გულმკერდის დეფორმაცია, ფილტვის ინფარქტი, გულის თანდაყოლილი მანკი.
გულის მარჯვენამხრივი უკმარისობის დროს სისხლი სწრაფად გუბდება ვენურ სისტემასა და ღვიძლში, რის შედეგადაც ეს უკანასკნელი დიდდება. აღმოცენდება ტკივილი მარჯვენა ფერდქვეშ და შეშუპება. ამასთან ერთად, აღინიშნება ძლიერი ქოშინი, გულმკერდში ზეწოლის შეგრძნება და ტკივილი, ძლიერი სისუსტე, კისრის ვენების შებერვა, არტერიული წნევის დაქვეითება.
დაავადების მკურნალობა მდგომარეობის სიმძიმის მიხედვით შესაძლოა მოიცავდეს მედიკამენტების მიღებას ან გართულებული მდგომარეობის შემთხვევაში გულის ტრანსპლანტაციას.