არასტაბილური სტენოკარდიის დროს თავს იჩენს გულის ძლიერი ტკივილი, რომელიც ზოგჯერ თავისთავად გაივლის, მაგრამ ცოტა ხნის შემდეგ მეორდება. ტკივილს თან სდევს ცივი ოფლი, ავადმყოფს ეუფლება ძლიერი სისუსტე, სიკვდილის შიში, კარდიოგრამაზე შეინიშნება ინფარქტისთვის დამახასიათებელი ცვლილებები, მაგრამ ინფარქტი ჯერ ჩამოყალიბებული არ არის.
სტენოკარდიული შეტევა ზოგჯერ ტკივილის გარეშე მიმდინარეობს, ამ დროს უეცრად ვითარდება ძლიერი საერთო სისუსტე, დისკომფორტი და ტკივილი კუჭის არეში, ქოშინი, სრულიად უმიზეზოდ იწყება შემაწუხებელი ხველა, რომელსაც ვერანაირი საშუალება ვერ ხსნის.
სტენოკარდიისა და ინფარქტის უტკივილო ფორმა უმეტესად შაქრიანი დიაბეტით დაავადებულებს უვითარდებათ, ამიტომ ისინი ყურადღებით უნდა იყვნენ და უეცარი დისკომფორტიც კი განგაშის სიგნალად მიიჩნიონ.
არასტაბილური სტენოკარდიის მკურნალობა მიმდინარეობს სტაციონარში. წლების გნმავლობაში შემუშავდა მკურნალობის ორი სტრატეგია. დროული ჩარევის შემთხვევაში ორივე მათგანი საკმაოდ ეფექტური და შედეგიანია. პაციენტების მდგომარეობა მკურნალობის დაწყებიდან მოკლე ხანში უმჯობესდება.